Meeqqat pinnguarnermut sunniutaat

Artikel 12: Meeqqat isumaasa ataqqineqarnissaat

Artikel 31: Qasuersaarneq, pinnguarneq, kulturi eqqumiitsuliornerlu 

UteritAtuartitsinermut ilitsersuut

Ilisarititsineq

Pinnguarnissinni piffissaq malugiitsoornikuuisiuk?

Immaqa pinnguarnerup pingaaruteqarnera eqqartorsimassavarsi. 

Immaqa aamma pinnguaatit assigiinngitsut pinnguaatigisimassavasi, suullu pinnguaatit pinnguaatigissanerlugit aaliangeeqataanikuullusi. 

Pinnguaqqilaassaagut.

Suliassasi marluupput.

Siullermik paasiniaasartuusaassaasi. Anitsiartarfimmukarlusi suut pinnguaataasinnaanersut paasiniassavasi.

Tulliattut angajoqqaassi aanaakkussilu meeraagallaramik pinnguaatigisarsimasaat nuannersut paasiniassavasi.

Aallartinnginnissinni filmi takujuk atuagassartaaluunniit atuarlugu.

Nammineq atuaruk

Maanna pinnguaqqittussanngorpugut.

Nalunngilisiuk meeqqat sunngiffeqarnissaminnut pinnguarnissaminnullu pisinnaatitaaffeqarmata? Meeqqat pillugit isumaqatigiissummi tamanna artikel 31-iuvoq. 

Siullermik paasiniaasartuusaassaasi. Anitsiarussi anitsiartarfimmi suliassaqarpusi. Pinnguaatit nuannersut ujassavasi. Ilimanarpoq atuarfiup eqqaani pinnguarnerit assigiinngitsorpassuusut.

Pinnguaammik nalusassinnik nassaarsinnaanerlugu misilissiuk.

Taanna pinnguaat isaagussi eqqartorsiuk. Immaqa atuaqatigiillusi pinnguaatiginissaanut piffissaqarpusi. Taava qanoq pinnguassanerlusi isumaqatigiissaasi.

Kingusinnerusukkut pinnguaatit angajoqqaasi aanakkusilu meeraagallarammik pinnguaatigisimasaannik ujarlissaasi. Taamani qarasaasiaqaranilu tableteqanngikkaluartoq nuannisarlutik pinnguaaterpassuit pinnguaatigisarpaat.

Ilimanaq ullumikkut pinnguaatigigussigit suli nuannisassutigisinnaagisi.

Qaa, nuannersunik pinnguarta!

 

Imaaliorit

Anitsiartarfimmi paasiniaasartoq 

Anitsiarfimmi pinnguaatinik nuannersunik ujaasissaasi. 

Misilillugu pinnguaammik nalusassinnik nassaarniaritsi. 

Pitsaassaaq pinnguartut aperissallugit qanoq pinnguarnersut qanorlu pinnguaatigisaat pinnguarineqarsinnaanersoq.

Periarfissaappat aamma pinnguartut assilisinnaavasi. Eqqaamallugu apereqqaassagassi assiliisinnaanerlusi. 

Qanga pinnguaatit

Angajoqqaasi aanakkusiluunniit apersorsigit meeraagallaramik suut pinnguaatigisarneraat.

Immaqaluunniit eqqaamiusi, atsat angalluunniit oqaluttuartissinnaavasi. 

Ataaniipput apeqqutigisinnaasatit. Aamma nammineq apeqqutissannik ujartuisinnaavutit.

Akissutit eqqaamasassanut allattuiffimmut allattorsinnaavatit toqqorlugillu.

  • Qanga atuartuuit?
  • Anitsiaraangassi pinnguaatit suut eqqaamavigit?
  • Meeqqat qassit ilaasinnaappat pinnguarnermi?¬†
  • Kiap aaliangertarpaa qanoq pinnguassanersusi?¬†
  • Meeraagallaravit pinnguaatissarsiorneq ajornarneq ajorpa?¬†

Eqqaamasassaanut allattuiffik