Pisinnaatitaaffeqarpunga
Artikel 42: Inuit tamarmik meeqqaat pisinnaatitaaffii ilisimalissavaat
Atuartitsinermut ilitsersuut
Anguniagaq
- Atuartut pisariaqartitarisaminnik pisinnaatitaaffinnut atassusiisinnaanissaat.
- Atuartut imminnut oqaluttuaralutillu tusarnaarsinnaanissaat.
- Atuartut meeqqanut inuunermut atugassarititaasut eqqarsaatersuutigisinnaanissaat.
Piffissaq atugassaq: minutsit 45 - 90
Atortussat
Qalipaanermut titartaanermullu atortut.
Inuusaq.
Assit naasumik, orpimmik, uumasumik meeqqamillu imallit.
Suliassaq
Periusissaq:
Assit qulaaniittut atukkit imaluunniit nammineerlutit allattarfissuarmut titartakkit.
Atuartut oqaluttuutikkit assiniittut suut pisariaqartinneraat oqaluuserissagassigit.
Ataatsimut oqaloqatigiinnermi uku eqqartorneqassapput:
Naasup pisariaqartitai
- Asseq naasumik orpimmilluunniit imalik takutiguk.
- Atuartut aperikkit naasup orpiulluunniit ineriartornissaminut suut pisariaqartinnerai.
- Atuartut akissutai aallaavigalugit ilisarnaatinik imaluunniit atuartut atuarsinnaalereersimassappata oqaaseqatigiinnik naatsunik allattuigit.
Uumasut pisariaqartitaat
- Aperigit atuartut uumasuuteqarnersut.
- Aperigit uumasut uumaannassappata ineriartorlutillu sunik pisariaqartitsinersut.
- Atuartut aperikkit uumasup pisariaqartitaannik pinissaat kikkut akisussaaffigineraat.
- Atuartut akissutai aallaavigalugit ilisarnaatinik imaluunniit atuartut atuarsinnaalereersimassappata oqaaseqatigiinnik naatsumik allattuigit.
Meeqqap pisariaqartitaa
- Asseq meeqqamik imalik takutiguk imaluunnit inuusaq meeraasuusaartillugu takutiguk.
- Aperigit meeqqap ineriartornissaminut suut pisariaqartinnerai.
- Meeqqat tamarmik ineriartornissaminnut pisariaqartitaat assigiippata, pisinnaatitaaffiusimassappat?
- Meeqqat pisariaqartitaannik tuninissaat kikkut akisussaaffigaat?
- Atuartut akissutai aallaavigalugit ilisarnaatinik imaluunniit atuartut atuarsinnaalereersimassappata oqaaseqatigiinnik naatsunik allattuigit.
- Meeqqat oqaluttuutikkit eqqartugaat amerlasuut Meeqqat Pillugit isumaqatigiissummi aamma allaqqammata.
Nerisassaqarneq
Isumaginnitseqarnerq
Pinnguarneq, atuarfik, immikkoortitaannginnissamut illersorneqarneq il. il.
Meeqqat nassuiaatigikkit tamakku tamaasa pisinnaatitaaffigimmatigit, inersimasullu inuiaqatigiinni (naalagaaffimmi) neriorsuutigisimagaat pisinnaasartik tamaat atorlugu meeqqat tamarmik pisinnaatitaaffiinik anguniagaqarniarlutik.
Meeqqat toqqissisimallutik ineriartunngikkunik inersimasullu akisussaaffitsik tigusisinnaanngippassuk meeqqat inersimasunut allanut soorlu ilinniartitsisunut, saaffiginnissinnaapput.
Pinngorartitsilluni suliaqarneq
Pisinnaatitaaffimmik sammisassassinnik toqqaagitsi.
Atuartut pisinnaatitaaffimmik sammisimasassinnik toqqaatissinnaavatit.
Atuartut imminnut titartassapput pisinnaatitaaffillu toqqagartik titartassavaat soorlu sunngiffeqarnissamut, atuarsinnaanissamut, illersorneqarnissamullu pisinnaatitaaffit.
Aamma atuartut namminneq pisinnaatitaaffinnik pingaartitaannik qalipaatissinnaavatit titartaatillugilluunniit.
Atuartut anginerumaat pisinnaatitaaffiit pillugit naatsumik allatsissinnaavatit – pisinnaatitaaffik qanoq paasineraat oqaluttualiortillugit il. il.
Naggataatigut atuartut katersuutsinneqassapput pisinnaatitaaffiit suut pingaartinneruneraat soorlu pingaartinneruneraat eqqartuitillugit.
