Atuaqatigiit malittagassaataat

Artikel 42: Inuit tamarmik meeqqat pisinnaatitaaffii ilisimassavaat

UteritAtuartitsinermut ilitsersuut

ILISARITITSINEQ

Atuaqatigiillusi nammineq malitassaliussaasi. Atuaqatigiit malitassaat tassaapput ulloq atuarfiusoq nuannersuussappat ilissi pingaartitassi allattorsimaffiat. 

Siullermik artikelinik Meeqqat pisinnaatitaaffii pillugit isumaqatigiissummeersunik toqqaassaasi.

Pingaartitasi toqqassavasi.

Taava artikelit nammineq oqaasertalissavasi. Artikelip atuarnerani eqqarsaatisi oqaluttuarisigit.

Naggataatigut atuaqatigiit malitassaat plakatiliarissavarsi allatulluunniit takusassiaralugu. Klassissinni nivingatissavarsi takusinnaallugulu eqqartortarniassagassiuk. 

 

IMAALIORIT

Siullermik Meeqqat pisinnaatitaaffii pillugit isumaqatigiissummi artikelit ataaniittuut atuarluassavasi. 

Atuaqatigiinnut aamma atuarfimmut artikelit pingaarsorisasi toqqassavasi. 

Meeqqat pisinnaatitaaffii pillugit isumaqatigiissummi artikelit toqqakkasi ataaniittumut allattuiffissamut allanneqassapput.  

Artikelimik toqqaareerussi nammineq oqaatsisi atorlugit allaqqissavarsi. 

Artikelimi oqariartuut qanoq nassuiarsinnaavisiuk? Isiginnittaasersi aallaavigalugu qanoq paasivisiuk? 

Allattukkasi naammassigussigit toqqorsinnaavasi suliareqqillugillu. 

Taava atuaqatigiit malitassaat aallartissinnaanngorpasi. 

Aaku atuaqatigiit malitassaannik sananermi atortussat allattorsimaffii. Immaqa aamma nammineerlusi atugassassinnik isumassarsisinnaavusi.

  • Kartorngi, pappiala qalipaatilik aamma pappiala siilikiusaq. 
  • Atuagassiat, aviisit aamma postkortit. 
  • Qalipaatit, assammik qalipaaatit imaluunniit qalipaatit imilertakkat. 
  • Sapangaaqqat aamma qillaalasut. 
  • Attatit, nuersagassiat aamma annoraaminimerngit.

MEEQQAT PISINNAATITAAFFII PILLUGIT ISUMAQATIGIISSUT

ALLATTUIFFIK