Meeqqat pisinnaatitaaffii pillugit isumaqatigiissut

Meeqqat tamarmik pisinnaatitaaffeqarput

FN-ip Meeqqat pisinnaatitaaffii pillugit isumaqatigiissut 20. november 1989-imi ataatsimeersuarnermi akuersissutigaa. Inuit piginnaatitaaffiinut ilanngullugu meeqqat piginnaatitaaffii ilaareeraluarput, meeqqalli immikkut pisinnaatitaaffeqalernissaat pisariaqartinneqarpoq, taakkulu tassaapput meeqqat pisinnaatitaaffii. 

Nunat 190-init amerlanerit atsioqataapput. Taamaalilluni isumaqatigiissut nunarsuaq tamakkerlugu isumaqatigiissutini nunanit amerlanerpaanit peqataaffigeneqartuuvoq. Inuiaassuseq, inuiaqatigiinni inissisimaneq, upperisat kultoorilu apeqqutaatinnagit meeqqat pisinnaatitaaffii pillugit isumaqatigiissut meeqqanut TAMANUT atuuppoq. Isumaqatigiissutip oqaasertaasa ilagaat meeraq kinaluunniit inuunermut pisinnaatitaaffeqartoq. Meeraq kinaluunniit peqqinnartumik toqqissisimartumillu ineriartornissaminnut pisinnaatitaaffeqartoq.

Meeqqat aamma atornerlugaanermut immikkoortitaanermullu illersorneqarnissaminnut pisinnaatitaaffeqarlutillu atuartinneqarnissaminnut siunissaminnullu sunneeqataasinnaanerminnut pisinnaatitaaffeqarput.

Pisinnaatitaaffit tamarmik ataqatigiipput tamarmillu pingaaruteqarlutik. Meeqqat kikkulluunniit pisinnaatitaaffiiarneqaqqusaanngillat.

 

Isumaqatigiissummi artikelit

Meeqqat pisinnaatitaaffii pillugit isumaqatigiissutip ukiuni 30-nngortorsiorneranut atatillugu UNICEF-ip Naalagaaffiit Peqatigiit Meeqqat pisinnaatitaaffii pillugit isumaqatigiissutaat meeqqanut tulluarsarlugu saqqummersippaa.

Meeqqat nunarsuarmi nunamit tamaneersut Meeqqat pisinnaatitaaffii pillugit meeqqanut tulluarsarnerani qalipaatit qalipaatigeqisut toqqarniarnerini peqataapput.

Assiliartaritinneqartut nutaat allaqqasortai Brønshøjimi Københavnimiittumi Husum Skolemi akullerni atuartunit  aammalu Nalagaaffiit Peqatigiit Meeqqanik ataatsimiititaliaannit akuerisaapput.

Maani assiliartaasunut linkit downloadigassat nassaarineqarsinnaapput. Atuartitsinermut atatillugu meeqqat pisinnaatitaaffiisa saqquminerulernissaanut atorneqassapput.