Pisinnaatitaaffik ussersuutigiuk

Meeqqat tamarmik Meeqqat Pillugit isumaqatigiissutip ilisimanissaannut pisinnaatitaaffeqarput. 

Ilimanarpoq artikelerpassuit sammereersimassagisi. Maanna pinnguartussanngorpugut.

Artikelit immissinnut ussersuutigisussanngorpasi. 

Ilinniartitsisussi iligiikkaarlusi agguassavaasi.

Iligiinni arlaat kortimik makitsissaaq. Kortiniipput Meeqqat Pisinnaatitaaffii Pillugit isumaqatigiissummit artikelit.

Makitsisoq minutsit pingasut piffissaralugit iliminut makitaminik ussersortussanngorpoq.

Iligiit tulliinut ingerlaqqissaasi.

Eqqaamallugu

• Ussersortoq oqaaseqaqqusaanngilaq.
• Ilinniartitsisup oqaluttuutissavaasi ussersortup niaqquminik angerlunilu naaggaarsinnaanersoq
• Eqqoriaasoq eqqortumik oqarpat tikkuarneqarsinnaavoq.