Atera suua?
Artikel 7: Ateq inuiaassuserlu
Artikel 2: Immikkoortitaannginnissaq
Ilisarititsineq
Atuaqatigiillusi eqqartoreerparsi sooq ateqarnerlusi.
Immaqa aamma aqaatit aterusillu assigiinngissutai eqqartoreerpasi.
Takorloorsiuk qanoq issanersoq ateqarasi kisitsimmik taaguuteqaraluarussi.
Maanna atit pinnguarilaassavagut.
Atisi isumaalu assingiingitsutigut sammissavagut.
Aallarniutigalugu filmi isiginnaarsiuk atuagassartaaluunniit atuarlugu.
Nammineq atuaruk
Maanna atit taakkulu isumai pinnguarissavagut. Immaqa ativit isumaa suminngaanneerneralu nalunngereerpatit. Taamaanngippat inersimasumut ikioqqusinnaavutit paasiniarlugit.
Meeqqat ateqarnissaminnut pisinnaatitaaffeqarput. Naalagaaffiit meeqqat pillugit isumaqatigiissutaanni artikel 7-imi allaqqavoq.
Maanna atisi pillugit assigiinngitsunik sammisaqassaasi.
Siullermik atisi isumaat ilanngullugit allagartaliarissavasi.
Immaqa quppernermi uani eqqaamasassanut allattuiffik atorsinnaavarsi?
Allat atiinik atiisalu suminngaanneernerinik tusarnaarluni nuannertarpoq.
Taava nalorsitsaarissaasi. Immmaqa nalunngereerpat qanoq ikiortarnersut.
Nalorsitsaarinermi oqaatsit assinngortinneqassapput eqqoriagassanngorlugit.
Nalorsitavit assit atorlugit oqaatsit nalorsittaarutitit paasiniassavai.
Quppernermi uani suliassaaqqanik sananikuuvugut. Taava illit nalorsitsaarinissannut sungiusarsinnaavutit.
Sungiusareerussi nalorsitsaarissaasi. Ilinniartitsisorsi isumaqatigissavarsi pappiliamut titartaassanerlusi imaluunniit qarasaasiaq tabletiluunniit atussanerlugit.
Qaa, suliaqaqatigiitta
Imaaliorit
Siullermik misissussavat atit qanoq isumaqarnersoq. Immaqa angajoqqaavit ilinniartitsisiuilluunniit ikiorsinnaavaatsit. Aamma quppernerup naqqani eqqaamasassanut allatuivik atorsinnaavat.
Taava atit allassavat oqaluttuarilaarlugulu atit qanoq isumaqarnersoq.
Unamminarnerumaamik sammisaqalaassaasi maanna atisi assit atorlugit allattussanngorpasi. Taamaaliorneq nalorsitsaarineruvoq.
Suliassami ataaniittumi nalorsitsaarutit atuarnissaanut sungiusaqqaarit
Taava nammineq nalorsitsaarissaatit. Pappiliamut titartaasinnaavutit imaluunniit tabletimut qarasaasiamulluunniit suliaralugu.
Assinik nutaanik ujarlerniaruit ujarlerfigisinnaavat pixabay.com. Asserpassuaqarpoq, tamaasalu piumaguit atorsinnaavatit.
Aakua siunnersuutit. Imaassinnaavoq aallartinnissannut iluaqutigisinnaagitit.
- Atit aggutaarsinnaanerlugu misiliuk, taava imaassinnaavoq oqaatsinik nutaanik nassaarsinnaasutit assilianngortissinnaasannik.
- + atoruk naqinnernik ilanngussiniaruit
- – atoruk naqinnernit atugassarinngisannik peersiniaruit
Eqqaamasassanut allattuiffik
Nalorsittaarutit inerneri paasikkit
Saamiatungaaniit aallartigit, soorlu naliginnaasumik atuaraangavit.
Naqinnerit ataaasiakkaarlugit allattukkit. Assilissani naqinnerit sorliit allassaneritit takusinnaavatit.
Eqqaamajuk + naqinnernik ilasigaangavit atortassagakku – naqinnernik peersiniaraangavit atortassagakku.
Eqqoriaaniaruit ‘Akissut takujuk’ tuussavat.
Eqqunngikkukku misileeqqissinnaavutit.
