Nunarsuarmut nutaamukarneq

Nunarsuarmut nutaamukarnissassinnut toqqagaasimavusi. 

Eqimattami peqatigisatit ilagalugit nunarsuarmi nutaami inuunermut nutaamut aallartisaaqataassaasi.

Aallannginnissinnili nunarsuassassinni immissinnut nunarsuassassilu paarilluarnissaanut malittarisassalioqqaassaasi.

Uani atorfissaqartitat 20-t takusinnaavasi.

Kortit isigalugit atorfissaqartitat ilissinnut qanoq isumaqarnersut eqqartorsigit.

Atorfissaqartitat suut amigaataappat?

Eqimattassinni atorfissaqartitat nutaat sisamat toqqarsigit. 

Atorfissaqartitat taakku sisamat allassigit kortitullu qulaanitut assiliartalerlugit titartarlugit. 

Maanna atorfissaqartitanik assigiinngitsunik 24-nik kortiuteqalerpusi. 

Ajoraluartumik avataarsualiartaatissinni inissaqarpallaanngilaq. 

Taamaammat kortit 15-iinnaat inissaqarput. 

Maanna ataatsimoorlusi kortit qulingiluat piissavasi. 

Aallaliivillusi paasinarsivoq avataarsualiartaat ilimagisamit mikinerusoq.

Taamaammat kortiutisi quliinnaat inissaqarput.

Maanna ataatsimoorlusi kortit suli tallimat peertariaqalerpasi. 

Uku eqqartorsigit:

Pisinnaatitaaffiit pisariaqartitallu suut assigiinngissutigivaat? 

Pisinnaatitaaffiit pisariaqartitallu inummiit inummut assigiinngillat? 

Sooruna nunarsuarmiittut meeqqat tamarmik pisinnaatitaaffitik pisinnaanngikkaat?