ATUARTUNUT – UKIOQATIGIIAANUT TAMANUT

• Atuartut tamarmik pisinnaatitaaffiit atorfissaqartitallu immikkoortissinnaanissaat. 

• ALLAATIT,

• PAPPIALA/QARASAASIAQ

• PISINNAATITAAFFIIT PISARIAQATITALLU ALLATTORSIMAFFIAT (ILANNGUSSAQ) 

Ilanngussaq 3

Ilanngussaq 4 Pisinnaatitaaffiit kortinngorlugit

Periusissaq:

PERIUSISSAQ:

Ilinniartitsisup atuaqatigiit nunarsuarmut nutaamukartussanngorlutik toqqagaasimasut oqaluttuutissavai. Angalanissamut aqutsisussap piumaffigisimavai nunarsuassaminnut apuukkunik sunik atorfissaqartitsissanersut takutitseqqullugit. Aqutsisup atuaqatigiit nassarsinnaasaat assigiinngitsut 20-t kortinut titartarneqarsimasut tunniutissimavai. Atuaqatigiit marlukkaartikkit. Atuartut tamarmik marlukkaarlutik immikkut Pisinnaatitaaffiit Atorfissaqartitallu kortinngorlugit (Ilanngussaq 3) pissavaat, atuaqatigiillu ataatsimoorlutik taakku misissussavaat. 

Ilinniartitsisoq nassuiaassaaq atuartut marlukkaarlutik aaliangeqatigiillutik sisamanik allanik tigusisinnaasut. Suleqatigiit tamarmik kortinut assiliartaqanngitsunut titartaallutillu nipititerissapput.

Ilinniartitsisoq paasissutissiissaaq, aqutsisoq nalunaarsimasoq nunarsuassaminnukalerunik avataarsualiartaammi inissaq killeqarmat suleqatigiit tamarmik nassarsinnaasaat 15-iinnaasinnaasut. Suleqatigiit isumaqatigiillutik kortit qulingiluat sorliit piissanerlugit aalajangissapput.

Aqutsisup nalunaarutigissavaa inissaq suli naatsorsuutigisamit minnerummat suleqatigiit kortinik quliinnarnik nassataqarsinnaasut. Suleqatigiillu isumaqatigiillutik kortinik tallimanik ikilisaasariaqalissasut taamaalillutik nassatassat quliinnanngortillugit.

Suleqatigiit tamarmik suleqatigiit allat peqatigalugit toqqakkaminnik sanilliussissapput. Eqimattat tamarmik suut qulit nassassanerlugit isumaqatigiissutiginiassavaat.

Atuaqatigiit oqallisigissavaat:
• Atuaqatigiit iluanni suunuku amerlanerpaat piiaraat? Sooruna?
• Piiaanissaq nalorninarsiartorpa? Sooruna?
• Pisinnaatitaaffiit atorfissaqartitallu assigiinngissusaat suuppat?
•Pisinnaatitaaffiit atorfissaqartitallu assigiinngissusaat suuppat? 
• Sooruna nunarsuarmi meeqqat tamakkerlutik pisinnaatitaaffitik pisinnaanngikkat?

Kortit 20-usut tamarmik immikkut uku arlaannut immikkoortinneqarsinnaapput:
• Naalagaaffit peqatigiit Meeqqat pillugit isumaqatigiissummi pisinnaatitaaffiinit artikelit ungaluuserneqarput.
• Atorfissaqartitat meeqqap piuinnarnissaannut alliartornissaannullu pisariaqartuusariaqanngillat.