Nunarsuarmut nutaamukarneq

Maanna immikkuullarissumik angalasussanngorpusi. 

Meeqqat nunarsuarmiut 1000-t allat ilagalugit nutaamut nunarsuarmukassaasi. 

Aallannginnissinnili nunarsuassassinni immissinnut nunarsuassassilu paarilluarnissaanut malittarisassioqqaassaasi.

Eqimattakkuutaanik 3-5-inik amerlassuseqassaasi. Meeqqat nunarsuarmi tamaneersut 1000-t peqatigalugit nunarsuarmut nutaamukassaasi. 

Siullermik angallatissassinnik avataarsualiaatiliussaasi.

Aakua avataarsualiaatiliulerussi atortussassi allattorsimaffii. 

• LEGO klodsit
• Modellervoksi
• Qattaq pusinngasoq 
• Aluminiumsfolie
• Allarutissiap immuvia imaluunniit plakaatip puua
• Gaffatape qalipaasulluunniit tape-utaa

Avataarsualiaatissarsi sanareerussiuk eqimattaniillusi nunarsuassassinni malittarisassasi qulit aaliangiutissavasi. 

Malittarisassaliasi titartarsinnaavasi imaluunniit pappiliamut allattorsinnaavasi.

Naqqaniittoq eqqaamasassanut allattuiffik atorlugu aamma malittarisassasi allassinnaavasi. 

Pisinnaatitaaffinnut atorfissaqartitanulluunniit kortiutissinni aamma isumassarsiorsinnaavusi. 

Nutaamik nunarsualiorniaraanni malittarisassat suut pingaaruteqarpat? 

Nunarsuartaassinni kikkut tamarmik ajussanngippata malittarisassat suut pisariaqassappat?

Uani atorfissaqartitat pisinnaatitaaffiillu assigiinngitsut takusinnaavasi. Nammineq malittarisassaliornissinni iluaqutigisinnaavasi.