PISINNAATITAAFFIIT PILLUGIT
ISIGINNAAGASSIAQ

• Atuartut pisinnaatitaaffiit ulluinnarmut attuumassuteqarnerisa paasisimasaqarfiginerulernissaat.  
• Atuartut pinnguarneq aqqutigalugu namminneq pisinnaatitaaffimminnut paasisaqarnerulernissaat. 

Ilanngussaq 4 Pisinnaatitaaffiit kortinngorlugit – printigassat

Atuartut qupperneranni atuartut pisinnaatitaaffiit kortinngorlugit takusinnaavaat.

Kortit toqqakkat allisikkit.

Tassani aamma eqqaamasassanut allattuiffissaqarpoq atuartut isiginnaagassialiassaata imarisassaanik piareersarnerminni atorsinnaasaannik.

Isiginnaartitsinermi atortussat.

PERIUSISSAQ:

Atuartut eqimattanut 3-5-ikkaarlugit agguataakkit. 

Eqimattat tamarmik pisinnaatitaaffiit pingasut pissavaat – imaluunniit makillugit – taakkuussappullu isiginnaartitsissutissaat. Kalaallit Nunaanni pisuusaartinneqassaaq. 

Minutsit tallimat missaanni isiginnaartitsissapput. 

Eqimattat tamarmik atuaqatiminnut isiginnaartitsissapput. 

Isiginnaartitsinerit tamarmik naammassigaangata artikelit sorliit isiginnaartitsissutigineqarnersut inuttaasunullu Meeqqanut isumaqatigiissutip qanoq sunniuteqarneri naatsumik eqqartussavasi.

Meeqqat pisinnaatitaaffeqarsimanngitsuuppata meeqqalluunniit pisuusaartitamisut inissisimasuuppata isiginnaartitsissut qanoq issimasinnaanersoq apeqqutigikkit.