Nipaatsumik oqallinneq

Artikel 12: Meeqqat isumaasa ataqqineqarnissaat

Artikel 13: Killilersorneqarani oqariartuuteqarsinnaatitaaneq

Artikel 17: Paasissutissanik pissarsisinnaaneq

Artikel 42: Inuit tamarmik meeqqat pisinnaatitaaffii ilisimassavaat

Atuartitsinermut ilitsesuut

UteritAtuartup suliassaa

Anguniagaq

  • Atuartut namminneq tunngavilersuisinnaalersinnaat allallu tunngavilersuutaannut isummersinnaanissaat

Piffissaq atugassaq: minutsit 30 - 40

Atortussat

PAPPIALA (A3) ALLAATISSALLU

Suliassaq

PERIUSISSAQ:

Atuartut marlukkaartinneqassapput, taakkulu pappialamik A3-mik tunineqassapput.

Atuartup aappaa isummamik tunniunneqartumik illersuisussanngorlugu toqqarneqassaaq aappaatalu akerlilerniassavaa.

Suliaqarnermi oqaaseqartoqaqqusaanngilaq.

Atuartoq isummamik illersuisoq isumaminik titarnerit marlussuit atorlugit pappialamut allattuissaaq. Titarnerit allattukkat taakku “oqaatigineqartutut” ungaluuserlugit titartarneqassapput (soorlu titartakkani oqaatigisat taamak sananeqartartut).

Taava aappaata allattup siulliup allatai allalluni oqaaseqarfigeriarlugit nammineq isummaminik allattuilluni akissavaa.

Pappilia uteqattaartinneqassaaq akineqaqattaarluni tunngavilersorneqaqqittassalluni.

Oqaatigisat ungaluuserlugit titartakkat titarnernik atassuserneqassapput taamaalilluni tunngavilersuutaasut malinnaavigiuminarsissallutik. Iluaqutaasinnaavoq isummersornermi atussallugu “Aap, kisianni…”.

Ataatsimut oqaloqatigiinneq: Atuartut aperikkit isummaminnik taamatut allattuinerminni qanoq misigineraat.

isummersuutinut assersuutit

  • Nunani piitsuusuni aningaasat oorit atuarfiliorani imermut atornissaat pingaaruteqarneruvoq. 

• Meeqqat Pillugit isumaqatigiissummi “pilluarnissamut pisinnaatitaaffik”-mik allaqqasoqassagaluarpoq. 

• Nunani ineriartorfiusuni meeqqat sulisinneqarsinnaassapput, taamaanngippammi nioqqutissat (atisat, kamippaat, mobiilit) akisuallaalissapput.

• Niviarsiaqqat atuartuunissaat pingaarneruvoq, nukappiaqqaniimmi pikkorinnerupput. 

• Meeqqat aatsaat taamak ajunngitsigipput.

• Nunami ataatsimi upperisat assigiissapput

• Meeqqat 16-t inorlugit ukiullit namminiussuseqarnissaminnik pisariaqartitsinngillat. 

• Syriami sorsunneq uagutsinnut soqutaanngilaq. 

• Meeqqat Pillugit isumaqatigiissut nunatsinni  pingaaruteqarpallaanngilaq, meeqqammi assersuutigalugu Brasiliamiittut, Canadami Thailandimiittulluunniit susassaqarfigivallaanngilagut.

• Meeqqat 14-inik ukioqaleraangamik qiniersisinnaatitaasariaqaraluarput. 

• Angajoqqaat aveqqusaanngillat.

• Meeqqat tamarmik 12-inik ukioqalinnginnerminni oqaatsit minnerpaamik sisamat assigiinngitsut ilikkariissavaat.  

• Nammineq nunagisaminngaanniit qimaaneq inerteqqutaassaaq.