Ilaannigooq

Artikel 2: Immikkoortitaannginnissaq

Artikel 12: Meeqqat isumaasa ataqqineqarnissaat

Atuartitsinermut ilitsersuut

UteritAtuartup suliassaa

Anguniagaq

  • Atuartut oqaluttuarnissamut tusarnaanissamullu ilinniarnissaat.
  • Nunarsuarmi nunani allani atugarititaasut eqqarsaatigineqarnissaat. 
  • Nunarsuaq tamakkerlugu atuuttup Meeqqanut Isumaqatigiissutip sammineqarnissaa. 

Piffissaq atugassaq: minutsit 30 - 45

Atortussat

Meeqqat assigiinngitsunik avatangiisillit attuumassutillillu assingi.

Asserpassuit akeqanngitsut tulliuttuni nassaarineqarsinnaapput  UnsplashPixabay aamma Flickr.

Oqaluttup tigummiassaa. Qisuminiusinnaavoq imaluunniiaat allarutissiap imusivia. 

Suliassaq

SULIASSAQ PILLUGU:
Meeqqat tamarmik naligiipput. Eqqarsarnissaminnut isummersinnaanermullu pisinnaatitaaffeqarput. 

Inuiaqatigiit inersimasullu meeqqanik tusarnaarnissaminnik pisussaaffeqarput.

Suliassami uani nunarsuaq tamakkerlugu meeqqat pisinnaatitaaffiinik atugassarititaasunillu qanorsuaq eqqarsarsinnaanissaminnut, oqaluttuarnissaminnut, tusarnaarnissaminnut oqaloqatigiinnissaminnullu ilinniassapput. 

Suliassaq marlunngorlugu suliassaavoq.

Suliassaq uteqattaarneqarsinnaavoq, taamaalilluni meeqqap pinngorartitsilluni  oqaluttuarsinnaassusaa inerisarneqarluarsinnaammat.

Suliaq 1 aallartissutigeriarlugu suliaq 2-mut ingerlasassaaq.

 

PERIUSISSAQ:
Meeqqat Pillugit Isumaqatigiissut pillugu aammalu toqqisisimanissamut nuannaarnissamullu suut pingaaruteqarnersut pillugit atuaqatigiit oqaluttuutikkit.

Pisinnaatitaaffik tassaavoq meeqqap pisariaqartisaa pisinnaatitaaffigisaalu. 

Meeqqat oqarfigikkit oqaluttuamik immikkuullarissumik oqaluttuassaqarlutit.

“Nalunngilisiuk sooq taamak immikkuullarissuteqartiginersoq? Tassa ataatsimoorluta oqaluttuliarissagatsigu!”

Nassuiaassutigiuk nunarsuarmi meeqqat isummaminnik eqqarsaatsiminnillu oqaluttuarsinnaatitaammata inersimasullu tusarnaartussaasut.

Oqaluttuartup tigummiassaa takutiguk atuartunullu ingerlaartillugu paarillugu misilitsillugu.

Mikrofoniusaartillugu meeqqat oqalutsikkit, nassuiaallugillu tigummiartoq kisimi oqaluttuusinnaasoq pisinnaatitaaffigimmagu. Sinneri tusarnaassapput.

 

Meeqqat immikkut assimik isiginnaagassaminnik tunisissapput. Assiliaq oqaluttuariliarissavaat. 

Assit agguaatikkit. Illit aamma assimik pissaatit. 

Meeqqat assiliaatitik isiginnaassavaat. Isiginnaarluarnissaannut periarfissikkit. 

Erseqqissaatigiuk kukkusoqarsinnaanngimmat, meeqqallu qanorsuaq assiliaatitik oqaluttualiarisinnaagaat.

Illit assiliaatit aallartissutigiuk. 

  • Kinaana assimiittoq?
  • Suminnaanneerpa?
  • Ullukkut sulerisarpa?
  • Takorluuisinnaassutsit atoruk.

Taava meeqqat oqaluttuassapput.

Pingaaruteqarpoq meeqqap oqaluttuarnerani sinneri tusarnaassammata. 

Oqaluttuartup tigummiaa meeqqamiit meeqqamut ingerlaassaaq. 
Meeqqat assiliaatimik oqaluttuarinerini ikiukkit oqaluttuaannullu tunngasunik aperillattaarlugit. 

Aallaqqaammut meeqqat assimiittut kikkuuneri/suuneri oqaluttuariinnarsinnaavaat. Suliassap uteqattaarnerani meeqqat oqaluttuaat imaqarneruleriartorumaarput. 

Assit tamaasa natermut ilikkit ammalortunngorlutik issiasut tamarmik takusinnaaniassavaat.

Nassuiaagit oqaluttualioqatigiilerlusi. 

Tamaasa assimik ataatsimik tunikkit. Meeqqat nassuiaatikkit tamarmik assiutiminniittut atorlugit oqaluttualioqataassasut. 

Oqaluttualiassinni sammisassarsi meeqqallu toqqarsiuk. Oqaluttuaq tissinartuussanersoq, alianartuussanersoq, asanninnilersaarutaassanersoq, ersinartuussanersoq allaassanersorluunniit toqqarsiuk. 

Assiliaatigisaq aallartissutigineqassaaq.

Oqaluttuartup tigummiartagaa paaralugu illit oqaluttualiorit. 

”Ilaannigooq…” aallartissutigisinnaavat.

Taava meeqqat oqaluttuassapput. 

Meeqqat namminneq isumartik atorlugu oqaluttuliassinnut tulluarsorisaminnik oqaluttuartikkit. 

Meeraq oqaluttuarusuleruni nappaassaaq, oqaluttuartullu tigummiassaa tigullugu. 

Oqaluttuap ataqatigiinnissaanut meeqqat ikiorsinnaavatit assersuutigalugu oqaluttuarineqartumut apeqquteqarlutit. 

SULIAQAREERNERMI OQALOQATIGIINNEQ

Kammalaatit oqaluttuartoq tusarnaarlugu qanoq ippa? 

Tusarnaarneqarluni qanoq misiginarpa? 

Sooruna tusarnaarnissaq pingaaruteqartoq? 

Sooruna meeqqat oqalukkaangata inersimasut tusarnaartassasut? 

Sooruna illit oqaluttualiat taamatut oqaluttuarigit? 

Assiliaatit illit misiginikuusannut tusarnikuusannulluunniit eqqaanarpa? 

Nunat suut tikinnikuuigit?

Nunani taakkunani meeqqat qanoq inuuneqarpat?

Oqaluttualiami Meeqqat Pillugit Isumaqatigiissummi pisinnaatitaaffiit suut ilaappat? 

Oqaluttualiami meeqqat pisinnaatitaaffii malinneqarpat imaluunniit pisinnaatitaaffiit malinneqanngitsoorpat? 

NAGGASIINEQ

Suliassaq naggasiinertalersiuk. 

Meeqqat tamarmik nunarsuarmi meeqqanut suut pingaanerpaatinneraat oqaluttuartikkit.

Atuartup quppernerani atuartup allattuiffissaq digitaliusoq atorlugu allatsinneqarsinnaapput.

Pinngorartitsilluni suliaqarneq

Meeqqat meeqqat tamarmik toqqissisimassappata suut pingaartinneraat titartaatikkit.