Periarfissat assigiit

Artikel 2: Immikkoortitaannginnissaq

Artikel 23: Meeqqat innarluutillit

Artikel 31:Qasuersaarneq, pinnguarneq, kulturi eqqumiitsuliornerlu 

Atuartitsinermut ilitsersuut

UteritAtuartup suliassaa

anguniagaq

  • Kinaagaluaraanniluunniit pisinnaatitaaffiit atuunneri atuartut paasisaqarfigissagaat.
  • Atuartut kikkuugaluartulluunniit akuutinnissaannik ilisimasaqalernissaat. 

Piffissaq atugassaq: minutsit 20 - 30

ATORTUSSAT

  • ARSAQ,
  • AJUUFFIIT (MĂ…LIT)
  • ISSIAVIIT SILAMI ATORSINNAASUT 
  • ISIMUT ASSIAQUT

Suliassaq

SULIASSAQ PILLUGU:
Pinguaat assigiimmik atugassaqarani aallarteriarluni ingerlannerani nalimmassarlugu naapertuinerulersoq – taamaassinnaappat. 

 

PERIUSISSAQ:
Pinnguaatip aallartinnginnerani ilinniartitsisup uku eqqarsaatersuuteqarfigisimanissai iluaqutaassaaq: 

a. Pinnguarneq qanoq ililluni atuartut akornanni  eqqarsaatersuutigineqarluarsinnaanerussava?

b. Qanoq ilillutit killilimmik pisinnaasaqarnerup sammineqarnissaa, killilimmillu pisinnaasallit ataqqinnippalaartumik akuutitsisumillu eqqartorneqarnissai qulakkeersinnaaviuk?

Atuaqatigiit marlunngorlugit averiarlugit arsamik unammisinneqassapput. 

Iligiit aappaasa pisinnaasaat “killilersorneqassapput”, assersuutigalugu isai asserneqassapput taamaasillutik saamimmiinnaq isimmiisinnaatilerlugit, atuartut ilaat taamaallaat issiatillutik arsarsinnaatilerneqassapput. Soorunami pingaaruteqarpoq atuartut piginnaasaminnik killileqqatillutik ajoqusinnginnissaasa qulakkeernissaa.

Kingusinnerulaartukkut – peqataasunut atugassarititaasut erseqqissinerulerpata – unammineq unitsinneqassaaq. Atuartut eqqarsaqquneqassapput pinnguarneq naapertuulluartuunersoq, taamaanngippallu eqqartuisissavatit sooq pinnguarneq naapertuulluannginnersoq, atuaqatigiillu tamarmik assigiimmik atugassaqalernissaat anguniarlugu qanoq iliortoqarsinnaanersoq.

Atuartut pinnguarnertik nalimmassarsinnaavaat, tamannalu atorlugu pinnguarneq ingerlanneqaqqissinnaassaaq. 

Kingusinnerusukkut pinnguarneq unitsinneqassaaq, atuartullu aperineqassapput nalimmassaasoqareernarata kingorna unamminermi atugassarititaasut naapertuutilernersut. 

 

Apeqqutit eqqalersitsisiussat

  • Qanoq ippa naliginnaasumik taamaattuunani pisinnaasat killeqalermata?  
  • Killilimmik pisinnaasalinnummita qanoq ippa pinnguartunut ilaasinnaanani, soorlu arsaqataasinnaanani? 
  • Meeqqat killilimmik pisinnaasallit ilaasinnaannginnerat ajunngila, imaluunniit kinaagaluaraanniluunniit pinnguarnermut ilaasoqarsinnaava, allaat killilinnik pisinnaasalinnut?
  • Illit pinnguaqateqaruit/kammalaateqaruit killilimmik pisinnaasalimmik, qanoq iliorsinnaavit?