Piginnaanikka

Meeqqat tamarmik piginnaasaat sammereerpasi. 

Pisinnaasat amerlasuut pikkoriffigisinnaasat aamma qanoq sungiusaraanni pikkoriffigilersinnaasat nutaanillu ilinniarsinnaasat eqqarsaatigalugit nuannerpoq.

Uani nammineerlutit “piginnaanikka” titartassavatit.

Ilinniartitsisuit titartakkap assinganik tunereerpaatit. 

Titartaassaatit, allallutit, qiortaallutit nipititeralutillu sorpassuillu sapinngisatit pikkoriffigisatillu takutissallugit.

• Timit atorlugu suut piginnaaneqarfigaagit? (erinarsorneq, sisorarneq, arpanneq il. il.)
• Sianissutsikkummi? (allanneq, kisitsineq, oqaluttualerineq, oqaluttuarneq)
• Inuttut piginnaasatit suuppat?
  (ikinngutaalluarneq, tusarnaarsinnaaneq, pitsaasuuneq il. il.)

Titartaareerussi kammalaatillu mumittagassaasi. 

Mumittakkani piginnaasat assigiinngitsut pikkoriffiusinnaasut takuneqarsinnaapput. 

Makitasi atorlugit oqaluttualiorsinnaanerlusi misilissiuk.

Assit qanoq oqaluttuarpat?

Assimut tunngasunik misigisaqarnikuuisi?

Pinnguarilluarisigit.