Piginnaanikka

• Atuartut Meeqqat Pillugit isumaqatigiissummut paasisaqarnerulernissaat.
• Atuartut eqqumaffigilernissaat qanoq innikkut pisinnaatitaaffik pineqartarnersoq. 

Titartaavissat A3-mik angissusillit

Aqerluusat qalipaatillu

Aviisit quppersakkallu

Ilanngussaq: Piginnaanikka printigassaq, pinngorartitsilluni suliami atugassaq

PERIUSISSAQ:

Meeqqap tarraa pappiliamut angisuumut allattarfissuarmulluunniit titartaruk. 

Meeqqat Pillugit isumaqatigiissut aallaavigalugu pisinnaatitaaffinnik atuartut eqqartueqatigikkit. 

Meeqqat ineriartornissaminnut atuartitaanissaminnullu pisinnaatitaaffiat 

Atuartullu eqqartorsigit:

Meeqqat piginnaasaat ilisimasaallu  immaqalu eqqumaffiginngisaat suuppat?

Ullumikkut mikinerugallaramik piginnaasarinngisatik suut piginnaasarilersimavaat? 

Atuartut ataasiakkaat suut pikkoriffigaat? 

Eqqaamallugu piginnaasat tamaasa eqqartussagassigit: 

• Timit atorlugu piginnaasat (erinarsorneq, sisorarneq, arpanneq il. il.)
• Sianissutsikkut piginnaasat (allanneq, kisitsineq, oqaluttualerineq, oqaluttuarneq)
• Inuttut piginnaasat (ikinngutaalluarneq, tusarnaarsinnaaneq, pitsaasuuneq il. il.)

Atuartut akissutaat tarramik titartagaasa nalaani allattukkit. Piginnaasat sumiinneri aallaavigalugit timaanut allattukkit. Assersuutigalugu arsaq isigaata nalaani titartarneqarsinnaasoq, nuuteq qarngata missaani, inuit marluk uumatip nalaani (“ikinngutaalluartoq”) il. il. Kingorna atuartut piginnaanitik sumi kimillu ilikkarsimaneraat eqqartorneqassaaq allanneqarluniluunniit. 

Ataatsimoorluni oqaloqatigiinnarmi eqqarsaatersuutissat: 

Ilinniartitsisup meeqqap tarraa A4-mut titartassavaa atuaqatigiinnullu kopeerilluni.

Aamma una atorsinnaavarsi  Ilanngussaq: Piginnaanikka printigassaq, pinngorartitsilluni suliami atugassaq

Atuartut namminneerlutik ilinniartitsisup tunniussaannut “piginnaanikka”-tik sanassavaat.

Tassani piginnaasaminnik pikkoriffimminnik titartaassapput, allallutik nipititeralutillu. Atuartut aamma pisoq nutaamik ilikkarfiusimasoq titartarsinnaavaat.