Atuaqatigiit nivinngagassaataat

Artikel 42: Inuit tamarmik meeqqat pisinnaatitaaffii ilisimassavaat

UteritAtuartitsinermut ilitsersuut

Ilisarititsineq

Atuaqatigiillusi nammineq nivinngagassaliussaasi. Atuaqatigiit nivinngagassaataat tassaapput ulloq atuarfiusoq nuannersuussappat ilissi pingaartitassi allattorsimaffiat. 

Siullermik artikelinik Meeqqat pisinnaatitaaffii pillugit isumaqatigiissummeersunik toqqaassaasi.

Pingaartitasi toqqassavasi.

Taava artikelit nammineq oqaasertalissavasi. Artikelip atuarnerani eqqarsaatisi oqaluttuarisigit.

Naggataatigut atuaqatigiiullusi nivinngagassaataatersi plakatiliarissavasi. Klassissinni nivingatissavarsi takusinnaallugulu eqqartortarniassagassiuk. 

Nammineq atuaruk

Meeqqat pisinnaatitaaffii pillugit isumaqatigiissutip atuarfissinnut atuaqatigiinnullu isumai maanna suliarissavasi.

Taamaaliussaasi atuaqatigiiullusi nivinngagassaliorlusi.

Atuaqatigiit nivinngagassaataat tassaavoq atuaqatigiillusi malittarisassarsi. Tassa immissinnut paariniarussi sakkussarsi.

Atuaqatigiit nivinngagassaataat plakatiusinnaavoq, assiulluni allatulluunniit klassissinni nivingasinnaasuussalluni. Atuaqatigiit nivinngagassaataanni takusinnaavarsi atuarfik nuannersuussappat suut atuaqatigiillusi pingaartinnerlugit.

Artikelit pingaartitasi nassaarissavasi. Artikelit tamaasa uani suliassani takusinnaavasi.

Artikelinik toqqaareerussi pisinnaatitaaffissinnik qanoq oqariartuuteqarnersut oqaluttuarissavarsi.

Artikelit nammineerlusi oqaluttuarissavasi, atuarnissinnullu qanoq isumaqarnersut oqaluttuaralugit.

Meeqqat tamarmik Meeqqat pisinnaatitaaffii pillugit isumaqatigiissutip paasisimasaqarnissaannut pisinnaatitaaffeqarput.

Nunarsuaq tamakkerlugu meeqqanut tamanut Meeqqat pisinnaatitaaffii pillugit isumaqatigiissut pingaaruteqarpoq. 

Qaa! Atuaqatigiinnut nivinngagassaliorta!

Imaaliorit

Siullermik Meeqqat pisinnaatitaaffii pillugit isumaqatigiissummi artikelit ataaniittut atuarluassavasi. 

Atuaqatigiinnut aamma atuarfimmut artikelit pingaartitasi toqqarsigit.

Meeqqat pisinnaatitaaffii pillugit isumaqatigiissummi artikelit toqqakkasi ataaniittumut allattuiffissamut allanneqassapput.

Artikelimik toqqaagussi allanngorlugu allaqqissavarsi.  

Nammineq oqaasertalerlugu artikelip ilissinnut isumaa oqaluttuarissavarsi.

Artikelimi allaqqasut qanoq nassuiassagaluarpisigit? 

Eqqaamallugu naammassigussi allattukkasi toqqussagassigit. 

Atuaqatigiit nivinngagassaataat suliarisinnaalerparsi. 

Aaku atuaqatigiit nivinngagassaataannik sananermi atortussat allattorsimafii. Immaqa aamma nammineerlusi atugassassinnik isumassarsisinnaavusi.

  • Kartorngi, pappiala qalipaatilik aamma pappiala siilikiusaq. 
  • Atuagassiat, aviisit aamma postkortit. 
  • Qalipaatit, assammik qalipaaatit imaluunniit qalipaatit imilertakkat. 
  • Sapangaaqqat aamma qillaalasut. 
  • Attatit, nuersagassiat aamma annoraaminimerngit.

Meeqqat pisinnaatitaaffiinut assersuutit 

Meeqqat pisinnaatitaaffii pillugit isumaqatigiissut

Allattuiffik