Atera suua?

Artikel 7: Ateq inuiaassuserlu

Artikel 2: Immikkoortitaannginnissaq

Atuartitsinermut ilitsersuut

UteritNunarsuarmut nutaamukarneq

Anguniagaq

  • Nammineq aterisap atuaqatillu atiisa paasinissaat.
  • Atuaqatigiit aqqisa attaveqaatitut akuersaarneqarnissaat. 

Piffissaq atugassaq: minutsit 45-t

ATORTUSSAT

Pappiliat qeratasuut tuschillu

Suliassaq

 

PERIUSISSAQ:

 

Piareersarneq

 

Atuartut tamarmik, angajoqqaaminnit ikiorneqarlutik, atiminnut paasissutissat pereersimassavaat.

 

Atuakkammi “Kalaallit aqqi”-ni (atuakkiortoq: Nuka Møller) kalaallit atiisa isumaat allaqqapput. Atit allat kalaallisut atiunngitsut kalaalerpassuilli aterisartagaat nittartakkani navnebasen.dk aamma  navnebetydning.dk-imi nassaarineqarsinnaapput, tassani Danmarkimi atit amerlanersaasa isumaat allaqqapput. 

 

Atuaqatigiinni oqaloqatigiinneq

 

a. Soormitaavaana ateqartugut? 

 

b. Sooruna kammalaatit ilinniartitsisullu ateq nalunngikkaangamikku iluartartoq? 

 

c. Aqaatit aterusillu suut assigiinngitssutigaat? 

 

d. Qanormita issagaluarpa ateqarnata kisitsisinik taaguuteqaraluarutta? 

 

Kisimiilluni suliassat

 

Atuartut tamarmik atitik atimillu isumaat allagartaliarissavaat.

 

Atuartut minnerpaamik atuartuqatitik tallimat aperissavaat atii qanoq isumaqarnersut.

 

Ataatsimut oqaloqatigiinneq: Atuartut tamarmik allagartaliatik saqqummiutissavaat.

 

Pinngorartitsilluni suliaqarneq

Uani suliassat marluupput 

Atera nalorsitsaarutigalugu 

Atuartut quppernerani atuartut nalorsitsaaruteeqqat suliarisinnaavaat. Kingorna namminneq nalorsitsaarusiornissaannut kajumissaarneqassapput.

Atuartut nalorsitsaarutaat tamarmik tigussaasunngorlugit digitaliusumilluunniit katersorneqassapput. Maanna nalorsitsaarutitik suliarisinnaanngorpaat allanillu ilinniutaasinnaalluartunik nalorsitsaarutiliornissaminnut imminnut kajumissaarlutik.

Aqaatit, naggatit, sumiiffiit aqqi allarpassuillu suliarineqarsinnaapput.

Ilinniartitsisumut paasissutissaq: Nittartakkami rebuz.dk ajornaatsunnguamik nammineq nalorsitsaarusiortoqarsinnaavoq. Ateq nalorsitsaarutiginiagaq allakkaanni nalorsitsaarut assitut suliaalluni toqqorneqarsinnaavoq. 

 

Saqqummersitsineq 

Atuaqatigiit tamarmik ikioqatigiillutik atuaqatigiit aqqi matumut allamulluunniit nivinngagarlugit saqqummersissavaat.